Twisted Forest, eftir alþjóðlega leikhópinn Wunderland, er þátttökuverk sem sett verður upp í Heiðmörk í Reykjavík dagana 24. ágúst til 3. september. Verkið er þátttökuverk, einskonar listræn útgáfa af hlutverkaspili (e. role playing game), völundarhús af ólíkum upplifunum í skóginum. Í upphafi verksins fá áhorfendur sérstakan búning og heyrnatól, en þeir eru m.a. leiddir í gegnum verkið með hljóðmynd sem stýrist af GPS kerfi og því hvar áhorfandinn er staddur hverju sinni. Hljóðmyndin teymir áhorfann áfram og býður honum að uppgötva umhverfið í kringum sig á óhefðbundin hátt. Í skóginum hitta áhorfendur leikara, sem eru í hlutverki leikstjórnanda. Á ólíkum stöðum í Heiðmörk, utan við hefðbundinna gönguleiða, hafa verið sett upp svæði með ýmiskonar upplifunum. Á sumum svæðum hitta áhorfendur leikara sem leiða þá í gegnum ákveðna upplifun en annars staðar eru þeir leiddir áfram af hljóðmyndi. Áhorfendur ferðast í hópi og einir síns liðs. Þeir geta stoppað eins lengi og þeir vilja við hverja upplifun, ákveðið hvort þeir vilja eða vilja ekki taka þátt og hvenær þeir halda áfram ferð sinni. Þannig er upplifun hvers og eins persónubundin og ólík upplifun annara.